قاضی احمد رپورٹ: سائیں بخش لاکھو
قاضی احمد میں آج ایک اور افسوسناک واقع پیش آیا، جہاں بجلی کا کرنٹ لگنے سے ایک معصوم بچی جان کی بازی ہار گئی، جبکہ آج کے دن کرنٹ لگنے سے جاں بحق افراد کی تعداد 2 ہوگئی ہے۔
تفصیلات کے مطابق قاضی احمد گرڈ اسٹیشن کے اندر رہائش پذیر واپڈا ملازم کے گھر میں پانی کی موٹر سے اچانک بجلی کا کرنٹ لگنے کے باعث معصوم بچی نیرم جاں بحق ہوگئی۔ واقعے کے فوراً بعد بچی کو قاضی احمد اسپتال منتقل کیا گیا، جہاں ضروری کارروائی مکمل کرنے کے بعد لاش ورثاء کے حوالے کردی گئی۔
بعد ازاں ایدھی ایمبولینس کے ذریعے لاش گھر پہنچائی گئی تو کہرام مچ گیا اور علاقے میں سوگ کی فضا چھا گئی۔واضح رہے کہ اس سے قبل بھی قاضی احمد موڑ کے علاقے میں سنوکر کی دکان پر بجلی کا کرنٹ لگنے سے صحافی صوفی جاوید سیال کے سالے، 15 سالہ نوجوان عاشق حسین سیال جاں بحق ہوگئے تھے۔
\