معرکہ بنیان المرصوص میں پاک افواج نے پوری دنیا میں پاکستان کا سر فخر سے بلندکیا: شہزاد خان کھچی

میلسی (سجاد سحرسے ) سابق ضلع ناظم محمد ممتاز خان کھچی کے صاحبزادے اور امیدوارِ ایم پی اے شہزاد خان کھچی نے کہا ہے کہ معرکہ بنیان المرصوص میں پاک افواج نے پوری دنیا میں پاکستان کا سر فخر سے بلند کر دیا ہے۔ سید عاصم منیر فیلڈ مارشل کی دانشمندانہ پالیسیوں کی بدولت آج پاکستان کی اہمیت دنیا بھر میں تسلیم کی جا رہی ہے۔انہوں نے کہا کہ پاکستان سپر پاور امریکہ اور ایران کے درمیان جنگی صورتحال میں ثالثی کا کردار ادا کر رہا ہے اور امید ہے کہ یہ کوششیں جلد کامیابی سے ہمکنار ہو کر خطے میں امن کے قیام کا باعث بنیں گی۔