سیالکوٹ (سلیم احمد اعوان شیخوسے)
گوجرانولہ کی سیشن عدالت سے جرم ثابت ہونے پر مجرم کو 5 سال قید کی سزا سنا دی گئی۔بتایا گیا ہے کہ ایڈیشنل سیشن جج گوجرانوالہ رائے افضال احمد کھرل کی عدالت میں تھانہ صدر کامونکی کا زنا کا مقدمہ مجرم علی شہزاد کے خلاف زیر سماعت تھا۔مقدمہ کی سماعت مکمل ہونے کے بعد فاضل جج نے مجرم کو جرم ثابت ہونے پر 5 سال قید بامشقت اور 40 ہزار روپے جرمانہ کی سزا اور 50 ہزار روپے معاوضہ کی ادائیگی کا حکم سنایا۔عدم ادائیگی جرمانہ کی صورت میں مجرم کو 3 ماہ قید مزید بھگتنا ہوگی۔استغاثہ کے مطابق کامونکی کے علاقہ چھجو کی کی رہائشی انعم اپنے گاوں کے رہائشی نوجوان علی شہزاد سے محبت کرتی تھی اور وہ اس کے ساتھ شادی کرنا چاہتی تھی اس بات کا علی شہزاد نے فائدہ اٹھا کر انعم کے ساتھ زنا کیا تو انعم حاملہ ہو گئی جب علی شہزاد کو انعم کے حاملہ ہونے کا پتہ چلا تو انعم نے علی شہزاد کی استدعا پر حمل ضائع کروا دیا تھا تاہم اس کے باوجود شادی نہ کرنے پر انعم نے علی شہزاد کے خلاف مذکورہ تھانہ میں مقدمہ کا درج کروا دیا۔ فاضل جج نے سماعت مکمل ہونے کے بعد مجرم کو جرم ثابت ہونے پر مذکورہ سزا سنا دی۔