بیجنگ: ایران کے وزیر خارجہ عباس عراقچی منگل کے روز ایک روزہ سرکاری دورے پر چین کے دارالحکومت بیجنگ پہنچیں گے، جہاں وہ اپنے چینی ہم منصب کے ساتھ اہم ملاقاتیں کریں گے۔
ایرانی سرکاری میڈیا کی رپورٹ کے مطابق، اس دورے کے دوران دونوں وزرا خارجہ کے درمیان ایران اور چین کے درمیان موجودہ سفارتی اور اقتصادی تعلقات کو مزید فروغ دینے پر بات چیت ہوگی۔مشرقِ وسطیٰ سمیت خطے میں ہونے والی حالیہ تبدیلیوں اور امن و امان کی صورتحال پر تبادلہ خیال کیا جائے گا۔بین الاقوامی سطح پر ہونے والی اہم سیاسی پیش رفت اور مشترکہ مفادات کے حامل امور پر مشاورت کی جائے گی۔
یہ دورہ ایک ایسے وقت میں ہو رہا ہے جب عالمی منظرنامے میں ایران اور چین کے درمیان اسٹریٹجک شراکت داری انتہائی اہمیت اختیار کر چکی ہے۔اور امریکی صدر ڈونلڈ ٹرمپ 14 مئی کو صدر شی جن پنگ سے ملاقات کے لئے بیجنگ پہنچ رہے ہیں۔ ماہرین اس دورے کو خطے میں استحکام اور دونوں ممالک کے درمیان تعاون کو مزید گہرا کرنے کی جانب ایک اہم قدم قرار دے رہے ہیں۔
