مری میں سیاحوں کو چائے کیوں پسند آتی ہے؟ فوڈ اتھارٹی نے وجہ بتا دی

مری ( راشد مغل سے)

پنجاب فوڈ اتھارٹی مری کی جانب سے ناقص اور ملاوٹی دودھ کے خلاف کارروائیاں بدستور جاری ہیں ایکسپریس وے پر خصوصی ناکہ بندی کے دوران مختلف دودھ بردار گاڑیوں کی چیکنگ کی گئی تفصیلات کے مطابق فوڈ اتھارٹی حکام نے 20 دودھ بردار گاڑیوں میں موجود مجموعی طور پر 5 ہزار 390 لیٹر دودھ کی جانچ پڑتال کی جس میں سے 200 لیٹر پانی ملا مضر صحت دودھ کو موقع پر ہی تلف کر دیا گیا مزید کارروائی کرتے ہوئے ناقص دودھ کی سپلائی میں ملوث ایک دودھ بردار گاڑی کے خلاف کارروائی عمل میں لاتے ہوئے 4 ہزار روپے جرمانہ عائد کیا گیا پنجاب فوڈ اتھارٹی کے مطابق عوام کو معیاری اور محفوظ خوراک کی فراہمی یقینی بنانے کے لیے ایسی کارروائیاں تسلسل کے ساتھ جاری رہیں گی اور ملاوٹ مافیا کے خلاف سخت اقدامات کیے جائیں گے۔