اسلام آباد پولیس نے کتنے سرچ و کومبنگ آپریشنز کئے؟حیران کن اعدادوشمار

اسلام آباد(نمائندہ خصوصی)اسلام آباد پولیس کے سال 2026 کے پہلے 04 ماہ میں 685 سر چ اینڈ کومنگ آپریشنز ۔
سرچ آپریشن کے دوران 65,581افراد،28,603گھرانوں،2,596 ہوٹلوں،7,688دکانیں، 22,595موٹر سائیکلوں اور 8,074 گاڑیوں کو چیک کیا گیا جبکہ جانچ پڑتال کیلئے 370 افغانی،3,348 مشکوک افراد ،2,025 موٹر سائیکلوں اور 113 گاڑیوں کوبھی تھانہ جات منتقل کیا گیا۔مزید براں منشیات فروشی اور غیر قانونی اسلحہ رکھنے والے ملزمان کو گرفتار کر کے سات کلو گرام چرس، چھ کلو گرام ہیروئن، پانچ کلو گرام آئس،87 بوتل شراب،چھ خنجر،12 کلاشنکوف، 11بندوقیں،68 پستول اور 3,334روند ایمونیشنبھی برآمد کیا گیا۔
تفصیلات کے مطابق انسپکٹر جنرل آف پولیس اسلام آباد سید علی ناصر رضوی کے خصوصی احکامات کی روشنی میں اسلام آباد پولیس کا وفاقی دارلحکومت میں جرائم کے انسداد اور جرائم پیشہ عناصر کی سرکوبی کیلئے مختلف علاقوں میں سرچ اور کومنگ آپریشنز کا سلسلہ جاری ہے۔اس سلسلے میں ایس ایس پی آ پر یشنز اسلام آ باد قاضی علی رضا کی سپر ویژن میں زونل ایس پیز کی زیرنگرانی سال 2026 کے پہلے 04 ماہ میں 685 سرچ اینڈ کومنگ آپریشنز کئے گئے۔ان سرچ آپریشنز کے دوران 65,581افراد،28,603گھرانوں،2,596 ہوٹلوں،7,688دکانیں، 22,595موٹر سائیکلوں اور 8,034 گاڑیوں کو چیک کیا گیا جبکہ جانچ پڑتال کیلئے 370 غیر قانونی مقیم افغان شہریوں ،3,348 مشکوک افراد ،2,025 موٹر سائیکلوں اور 113 گاڑیوں کوبھی مختلف تھانہ جات منتقل کیا گیا۔مزید براں منشیات فروشی اور غیر قانونی اسلحہ رکھنے میں ملوث ملزمان کو گرفتار کر کے ان کے قبضہ سے سات کلو گرام چرس، چھ کلو گرام ہیروئن، پانچ کلو گرام آئس،87 بوتل شراب،چھ خنجر،12 کلاشنکوف، 11بندوقیں،68 پستول اور 3,334 روند ایمونیشن برآمد کیے گئے ۔ایس ایس پی آپریشنز اسلام آ باد قاضی علی رضانے کہا کہ سرچ آپریشن کا مقصد جرائم پیشہ عناصر کے گرد گھیرا تنگ کرنااور شہر بھرمیں سکیورٹی کو موثر بنانا ہے۔ سرچ آپریشنز ضلع بھر کے مختلف علاقوں میں کئے جارہے ہیں۔ اسلام آباد پولیس کا جرائم پیشہ عناصر، قبضہ مافیا اور منشیات فروشوں کیخلاف بلاتفریق کارروائیوں کا سلسلہ جاری ہے۔شہریوں سے گزارش ہے کہ کسی بھی مشکوک سرگرمی کے متعلق متعلقہ تھانہ، ایمرجنسی ہیلپ لائن”پکار-"15پر فوری اطلاع دیں۔