چکوال :(رپورٹ جلیل حیدر)
چکوال کے علاقے محلہ اشرف ٹاؤن میں ایک افسوسناک اور دل دہلا دینے والا واقعہ پیش آیا جہاں ایک نوجوان کو سابق سسر نے سرعام فائرنگ کر کے ق ت ل کر دیا گیا۔ واقعے نے علاقے میں خوف و ہراس پھیل گیا
بیورو چیف جلیل نقوی کے مطابق مقتول کی شناخت بابر علی ولد عبدالغفور کے نام سے ہوئی ہے، جو محلہ سمن آباد (سومنی) کا رہائشی تھا۔ بتایا جا رہا ہے کہ بابر علی کی شادی کو ابھی چند ماہ ہی گزرے تھے، تاہم گھریلو ناچاقیوں کے باعث اس نے اپنی اہلیہ کو طلاق دے دی تھی۔
ذرائع کے مطابق وقوعہ کے روز بابر علی اپنی سابقہ اہلیہ سے ملاقات کے بعد واپس جا رہا تھا کہ اچانک اس کے سابق سسر ، جو خاتون کے ہمراہ وہاں موجود تھا، نے اس پر اندھا دھند فائرنگ کر دی۔ گولیاں سیدھا سینے اور چہرے پر لگیں، جو اس کے لیے جان لیوا ثابت ہوئیں۔ عینی شاہدین کے مطابق فائرنگ اس قدر قریب سے کی گئی کہ نوجوان کو سنبھلنے کا موقع ہی نہ مل سکا۔ اطلاع ملتے ہی پولیس اور اعلیٰ افسران موقع پر پہنچ گئے۔ ڈسٹرکٹ پولیس آفیسر نے فوری نوٹس لیتے ہوئے رپورٹ طلب کی جبکہ کرائم سین یونٹ اور فرانزک ٹیموں نے شواہد اکٹھے کیے۔ لاش کو پوسٹ مارٹم کے لیے ڈی ایچ کیو ہسپتال منتقل کر دیا ملزم حامد اشرف نے خود کو پولیس کے حوالے کر دیا ہے۔ اس کہنا تھا مقتول نہ صرف اس کی بیٹی کو طلاق دے چکا تھا بلکہ وقوعہ کے روز چند افراد کے ساتھ گھر آ کر جھگڑا کیا اور مبینہ طور پر زیورات و نقدی لے کر فرار ہو رہا تھا، جس پر اس نے طیش میں آ کر فائرنگ کر دی۔ بابر علی کے بارے میں یہ بھی معلوم ہوا ہے کہ وہ ڈی ایچ کیو ہسپتال کے قریب چکن شاپ چلاتا تھا اور محنت مزدوری سے زندگی گزار رہا تھا۔ سوشل میڈیا پر پھیلنے والی یہ افواہیں بھی غلط ثابت ہوئیں کہ مقتول غیر ملکی تھا حقیقت میں وہ مقامی شہری تھا۔
