نوزائیدہ بچے کو پلاسٹک بیگ میں ڈال کر دریا میں بہادیا گیا،ویڈیو وائرل

کابل: افغانستان میں دریائے کابل کے کنارے سے ایک ایسی ویڈیو سامنے آئی ہے جس نے دیکھنے والوں کی روح تک لرزا دی ہے۔ ایک پلاسٹک کا تھیلا میں بند ایک نو مولود بچے نے رو رو کر اپنی زندگی کی پکار دنیا کو سنا دی ۔
سوشل میڈیا پر وائرل ہونے والی ویڈیو میں دیکھا جا سکتا ہے کہ چند روز کا ایک معصوم بچہ، جسے ابھی اپنی ماں کی گود کی حدت ملنی چاہیے تھی، پلاسٹک کے ایک تھیلے میں لپٹا زمین پر پڑا رو رہا ہے۔

On Wednesday, a video began circulating on social media showing a newborn baby discovered inside a plastic bag near the Kabul River. The infant, believed to be only a few days old, can be heard crying. The voices of the men who found the child are also audible, stating their… pic.twitter.com/SlaAnlciQo

— Nilofar Ayoubi 🇦🇫 (@NilofarAyoubi) April 15, 2026

یہ واقعہ بدھ کے روز اس وقت پیش آیا جب راہگیروں نے دریا کے کنارے ایک مشکوک بیگ دیکھا جس میں سے بچے کی رونے کی آوازیں آرہی تھیں۔
ویڈیو میں ان مردوں کی آوازیں سنی جا سکتی ہیں جنہوں نے اس بچے کو دریافت کیا۔ان افراد نے فوری طور پر بچے کو طالبان پولیس کے علم میں لا کرقریبی اسپتال منتقل کردیا ہے جہاں بچے کو طبی امداد فراہم کی گئی۔
یہ واقعہ افغان طالبان کے جبرتلے زندہ معاشرے کے اس تاریک پہلو کی عکاسی کرتا ہے جہاں نوزائیدہ بچوں کو مرنے کے لئے چھوڑ دیا جاتا ہے جہاں خواتین کو بنیادی صحت کی سہولیات تک رسائی نہیں ملازمت اور تعلیم جیسی بنیادی ضرورتیں ان سے چھین لی گئیں وہاں ایسے واقعات معمول بن کررہ گئے ہیں،
"کوئی بچہ اپنی مرضی سے اس دنیا میں نہیں آتا، لیکن اس دنیا میں آنے کے بعد ‘جینے کا حق’ اس کا سب سے پہلا اور بنیادی حق ہے۔ اسے کچرے کا ڈھیر سمجھنا انسانیت کی معراج نہیں بلکہ زوال ہے۔”