ایران کی جانب سے جنگ بندی مسترد کرنیکے بعد تیل کی عالمی قیمتیں پھر بڑھ گئیں

لندن: عالمی مارکیٹ میں خام تیل کی قیمتوں میں ایک بار پھر تیزی دیکھی جا رہی ہے۔ امریکی کروڈ آئل کی قیمتوں میں 1.9 فیصد اضافہ ریکارڈ کیا گیا، دوران ٹریڈنگ ڈبلیو ٹی آئی کروڈ کی قیمت 92.10 ڈالر فی بیرل تک پہنچ گئی، جب کہ برٹش برینٹ کروڈ 103.92 ڈالر فی بیرل پر ٹریڈ ہو رہا ہے۔
اس سے قبل، امریکی صدر ڈونلڈ ٹرمپ کے ایران کے بجلی گھروں پر حملے 5 روز کے لیے موخر کرنے کے اعلان کے بعد عالمی منڈی میں تیل کی قیمتوں میں کمی ریکارڈ ہوئی تھی۔ تاہم، ایران کی جانب سے جنگ بندی کے لیے امریکی شرائط مسترد کرنے کے بعد آج دوبارہ تیل کی قیمتوں میں اضافہ دیکھنے کو ملا۔
زرائع کے مطابق ایرانی اعلیٰ عہدیداروں نے اعلان کیا ہے کہ ایران نے امریکی تجاویز کو مسترد کر دیا ہے اور جنگ بندی کے فیصلے کو اپنی شرائط اور اپنے وقت پر ختم کرے گا۔
ایرانی عہدیدار کے مطابق”امریکی پیشکش کا جائزہ لیا، یہ حد سے تجاوز ہے، صدر ٹرمپ کو جنگ کے خاتمے کا تعین کرنے کی اجازت نہیں دیں گے۔”
ماہرین کا کہنا ہے کہ اس صورتحال کے باعث عالمی منڈی میں تیل کی قیمتوں میں مزید اتار چڑھاؤ متوقع ہے اور سرمایہ کار اس رجحان پر گہری نظر رکھے ہوئے ہیں۔