امریکا کا مشرقِ وسطیٰ سے ہنگامی انخلا کا حکم: ایک درجن سے زائد ممالک چھوڑنے کی ہدایت

واشنگٹن / بغداد:مشرقِ وسطیٰ میں امریکی تنصیبات پر ایرانی حملوں کے بعد حالات انتہائی کشیدہ ہو گئے ہیں۔ امریکہ نے غیر معمولی قدم اٹھاتے ہوئے اپنے شہریوں کو خطے کے ایک درجن سے زائد ممالک فوری طور پر چھوڑنے کا حکم دے دیا ہے۔
سنیچر کے روز عراق کے دارالحکومت بغداد میں واقع امریکی سفارت خانے کی عمارت پر میزائل لگنے کے بعد خوف و ہراس پھیل گیا۔ امریکی سفارت خانے نے اپنے شہریوں کو متنبہ کیا ہے کہ وہ عراق میں اپنی موجودگی پر دوبارہ غور کریں، کیونکہ ایران سے منسلک "دہشت گرد ملیشیاؤں” کی جانب سے سنگین خطرات موجود ہیں۔
خبر رساں ادارے کے مطابق، سفارتی محاذ پر بھی بڑی ہلچل دیکھی جا رہی ہے۔ امریکہ نے عمان میں موجود غیر ہنگامی نوعیت کی خدمات انجام دینے والے سرکاری ملازمین اور ان کے اہلِ خانہ کو بھی فوری طور پر ملک چھوڑنے کا حکم دے دیا ہے۔
ایک درجن سے زائد ممالک جہاں امریکی شہریوں کو ہائی الرٹ پر رکھا گیا ہے۔
رپورٹ کے مطابق ان ممالک میں ایران نواز گروپوں کی جانب سے ممکنہ خودکش ڈرون اور میزائل حملےہوسکتےہیں۔
اسی طرح کئی ممالک میں امریکی مشنز نے اپنی خدمات محدود کر دی ہیں۔