تہران (نیوز ڈیسک): اسرائیلی فضائیہ نے ایران کے دارالحکومت تہران میں واقع مہرآباد بین الاقوامی ہوائی اڈے پر ایک زوردار حملہ کیا ہے۔
ابتدائی اطلاعات کے مطابق اس حملے میں ہوائی اڈے پر قائم فیول اسٹوریج (ایندھن کے ذخیرے) کو نشانہ بنا کر مکمل طور پر تباہ کر دیا گیا ہے، جس کے باعث ہوائی اڈے پر آگ کے بلند شعلے دیکھے جا رہے ہیں۔
رپورٹس کے مطابق اس شدید حملے میں رن وے اور ایپرن پر کھڑے کئی جنگی اور سویلین مسافر طیارے بھی تباہ ہو گئے ہیں۔ مہرآباد ایئرپورٹ، جو تہران کے اندرونی اور اہم جنگی پروازوں کا مرکز ہے، اس حملے کے بعد مکمل طور پر مفلوج ہو کر رہ گیا ہے۔ فوجی ذرائع کا کہنا ہے کہ اس حملے کا مقصد ایرانی فضائیہ کی نقل و حرکت اور لاجسٹک صلاحیت کو کاری ضرب لگانا ہے۔