تہران :آیت اللّٰہ علی خامنہ ای کے بیٹے مجتبیٰ خامنہ ای کو ایران کا سپریم لیڈر منتخب کرلیا گیا۔
رپورٹ کے مطابق نگہبان شوریٰ نے آیت اللہ خامنہ ای کے صاحبزادے سید مجتبٰی خامنہ ای کو ایران کا نیا سپریم لیڈر منتخب کردیا ۔
اسرائیلی میڈیا کی جانب سے مجتبیٰ خامنہ ای کو ایران کا سپریم لیڈر منتخب کرنے کا دعویٰ کیا گیا ہے۔ نیویارک ٹائمز نے پہلے رپورٹ کیا تھا کہ 56 سالہ مجتبیٰ سپریم لیڈر کے عہدے کے لیے سب سے آگے ہیں۔ مجتبیٰ خامنہ ای علی خامنہ ای کے دوسرے بڑے بیٹے ہیں۔
رپورٹس کے مطابق مجتبیٰ خامنہ ای کو ایران کی مجلسِ خبرگان، جسے انگریزی میں اسمبلی آف ایکسپرٹس کہا جاتا ہے، نے آیت اللہ خامنہ ای کا جانشین منتخب کیا۔ اسرائیلی میڈیا کے اس دعوے کی تصدیق ایران کے سرکاری حکام نے ابھی نہیں کی ہے۔
دوسری جانب ایرانی میڈیا نے پاسدارانِ انقلاب کے حوالے سے بتایا ہے کہ سپریم لیڈر کے انتخاب کے لیے مجلسِ خبرگان کا اجلاس جاری ہے اور حتمی فیصلے میں تقریباً ایک ہفتہ لگ سکتا ہے۔
