ڈھاکا: بنگلہ دیش حکومت نے معروف مسلم مبلغ ڈاکٹر ذاکر نائیک کو ملک میں داخل ہونے سے روک دیا اور ان کی آمد پر عارضی پابندی عائد کردی ہے۔
رپورٹ کے مطابق بنگلہ دیش کی وزارتِ داخلہ کی ’قانون و نظم‘ کمیٹی نے فیصلہ کیا ہے کہ ذاکر نائیک کو ملک میں داخل ہونے کی عارضی اجازت نہیں دی جائے گی، کیوں کہ اُن کی ممکنہ آمد کی صورت میں بڑے ہجوم اکٹھا ہونے اور سکیورٹی فورسز کو مشکلات پیش آنے کا خدشہ ہے۔
یادرہے معروف اسلامی مبلغ ذاکر نائیک کو تقریب میں شرکت کی دعوت دی گئی تھی اور 28 اور 29 نومبر کو ڈھاکا آمد متوقع تھی، مگر اجلاس کے بعد فیصلہ کیا گیا کہ اُس سے قبل انتخابات کے مدنظر صورتِ حال کے پیشِ نظر اُن کی آمد کو مؤخر کیا جائے گا۔
جبکہ ڈاکٹر ذاکرنائیک پر بھارت کی جانب سے دہشت گردی و اشتعال انگیزی کے مقدمات درج ہیں اور وہ بھارت میں مطلوب ہیں ، اور بنگلہ دیش نے پہلے بھی اُن کی ٹی وی چینل Peace TV پر پابندی عائد کر رکھی تھی۔