اس موقع پر صدر سہیل راجپوت اور دیگر عہدیداران نے محمد عمران راجپوت کو نائب صدر کا عہدہ سنبھالنے پر مبارکباد د ی
سکھر (رپورٹ/عبدالرحمان راجپوت)
روشن مستقبل ویلفیئر ایسوسی ایشن کے صدر سہیل راجپوت کی زیرِ صدارت روشن مستقبل ویلفیئر ایسوسی ایشن کے دفتر میں ایک اہم اجلاس منعقد ہوا، جس میں محمد عمران راجپوت کو نائب صدر کے عہدے پر فائز ہونے کی خوشی میں انہیں مبارکباد پیش کی گئی۔اجلاس کا باقاعدہ آغاز تلاوتِ کلامِ پاک سے کیا گیا، جس کے بعد ملک و قوم، راجپوت برادری اور روشن مستقبل ویلفیئر ایسوسی ایشن کی کامیابی، ترقی، اتحاد و استحکام کے لیے خصوصی دعا کی گئی۔ شرکاء نے دعا کی کہ اللہ تعالیٰ ملک پاکستان کو امن و سلامتی عطا فرمائے اور روشن مستقبل ویلفیئرایسوسی ایشن کو فلاحی و سماجی خدمات جاری رکھنے اور مزید مؤثر انداز میں آگے بڑھنے کی توفیق عطا فرمائےاجلاس میں روشن مستقبل ویلفیئر ایسوسی ایشن کے عہدیداران اور معزز اراکین نے شرکت کی۔ اس موقع پر صدر سہیل راجپوت اور دیگر عہدیداران نے محمد عمران راجپوت کو نائب صدر کا عہدہ سنبھالنے پر دلی مبارکباد پیش کرتے ہوئے ان کے لیے نیک خواہشات کا اظہار کیا۔
تقریب کے دوران نومنتخب نائب صدر محمد عمران راجپوت اور دیگر عہدیداران کو پھولوں کے ہار پہنائے گئے اور انہیں مبارکباد پیش کی گئی۔ شرکاء نے اس امید کا اظہار کیا کہ محمد عمران راجپوت اپنی صلاحیتوں، تجربے اور خدمت کے جذبے کو بروئے کار لاتے ہوئے روشن مستقبل ویلفیئر ایسوسی ایشن کی فلاحی سرگرمیوں کو مزید مؤثر بنانے میں اپنا بھرپور کردار ادا کریں گے۔
روشن مستقبل ویلفیئر ایسوسی ایشن کے صدر سہیل راجپوت نے محمد عمران راجپوت کے نائب صدر مقرر ہونے پر کہا کہ روشن مستقبل ویلفیئر ایسوسی ایشن کا بنیادی مقصد راجپوت برادری اور معاشرے کے ضرورت مند افراد کی خدمت، فلاح و بہبود اور باہمی اتحاد کو فروغ دینا ہے۔ انہوں نے کہا کہ تنظیم میں شامل ہونے والے ہر عہدیدار اور رکن کی ذمہ داری ہے کہ وہ خلوصِ نیت کے ساتھ فلاحی سرگرمیوں میں اپنا کردار ادا کرے اور مستحق افراد کی مدد کو اولین ترجیح دے۔
اجلاس میں شرکاء نے صدر سہیل راجپوت کی قیادت پر اعتماد کا اظہار کرتے ہوئے کہا کہ تنظیم باہمی مشاورت، اتحاد اور خدمت کے جذبے کے ساتھ اپنے فلاحی مشن کو آگے بڑھاتی رہے گی۔ اس موقع پر محمد عمران راجپوت نے بھی تمام عہدیداران اور اراکین کا شکریہ ادا کرتے ہوئے اس عزم کا اظہار کیا کہ وہ تنظیم کی بہتری، فلاحی سرگرمیوں کے فروغ اور ضرورت مند افراد کی خدمت کے لیے اپنی ذمہ داریاں بھرپور انداز میں ادا کریں گے۔اجلاس کے اختتام پر روشن مستقبل ویلفیئر ایسوسی ایشن کے مستقبل کے فلاحی پروگراموں، تنظیمی امور اور برادری کی فلاح و بہبود کے حوالے سے بھی باہمی مشاورت کی گئی۔