کارکردگی غیر تسلی بخش نکلی تو ڈی ایس پی سٹی وسیم افضال کو اظہارِ وجوہ نوٹس، جواب طلب
قتل کیس کی ناقص تفتیش پر ایس ایچ او صدر عارف والا ناصر علی کو شوکاز نوٹس، تفتیش پر سوالات اٹھ گئے
آر پی او ساہیوال ایاز سلیم کا واضح پیغام، پولیس افسران کی کارکردگی براہِ راست مانیٹر ہوگی، ناقص کارکردگی پر محکمانہ کارروائی ہوگی
پاکپتن:سیداکرام حسین شاہ سے
ریجنل پولیس آفیسر ساہیوال ایاز سلیم کی زیرِ صدارت کرائم ریویو اجلاس میں پولیس افسران کی کارکردگی اور مقدمات کی تفتیش کا جائزہ لیا گیا۔ اجلاس میں ناقص کارکردگی اور قتل کیس کی ناقص تفتیش پر متعلقہ افسران کے خلاف کارروائی کا فیصلہ کیا گیا۔ڈی ایس پی سٹی وسیم افضال کو ناقص کارکردگی پر اظہارِ وجوہ نوٹس جاری کیا گیا، جبکہ قتل کیس کی ناقص تفتیش پر ایس ایچ او صدر عارف والا ناصر علی کو شوکاز نوٹس جاری کردیا گیا۔آر پی او ساہیوال نے پولیس افسران کی کارکردگی کو براہِ راست مانیٹر کرنے کا فیصلہ کرتے ہوئے واضح کیا کہ افسران کی کارکردگی اور تفتیشی معاملات میں غفلت کو نظر انداز نہیں کیا جائے گا۔۔