لاہور، سابق ایم این اے چوہدری زاہد اقبال کا ساہیوال کے ضمنی الیکشن میں پارٹی لیڈر شپ کے حکم پر دستبردار ہونے کا اعلان۔
رپورٹ کے مطابق سابق ایم این اے چوہدری زاہد اقبال نے وزیراعلی پنجاب مریم نواز شریف سے ملاقات میں این اے 143 سے مسلم لیگ ن کے امیدوار طفیل جٹ کی بھرپور اور غیر مشروط حمایت کا اعلان کردیا۔وزیراعلیٰ مریم نواز شریف نے چوہدری زاہد اقبال کے پارٹی ڈسپلن کے تحت دستبردار ہونے کو سراہا۔
اس موقع پر سابق ایم این اے چوہدری زاہد اقبال کا کہنا تھا کہ عوام پاکستان مسلم لیگ ن کے ساتھ ہیں اور رہیں گے۔ وزیراعلیٰ مریم نواز شریف نے عوامی خدمت کے ریکارڈ قائم کرکے دل جیت لیے۔
وزیراعلیٰ مریم نواز شریف سے ملاقات میں سابق وفاقی وزیرداخلہ اور سینیٹر راناثنا اللہ ، ایم این اے چوہدری افتخار نذیر، سابق ایم این اے چوہدری زاہد اقبال اور سابق سینیٹرسعود مجید شامل تھے۔ملاقات میں عمومی اور سیاسی امور پر تبادلہ خیال بھی کیا گیا۔