ممبئی : بالی وُڈ کی سابق اداکارہ ممتا کلکرنی نے انڈرورلڈ ڈان داؤد ابراہیم کو سنہ 1993 کے ممبئی دھماکوں سے بری الذمہ قرار دیتے ہوئے کہا کہ وہ دہشت گرد نہیں ہیں۔
ہندوستان ٹائمز کی رپورٹ کے مطابق اس بیان پر سوشل میڈیا میں شدید ردِعمل دیکھا گیا جہاں ہندو انتہا پسند صارفین نے ممتا کلکرنی کی جانب سے 93 کے بم دھماکوں کے مرکزی ملزم کو بری الذمہ قراردینے پر ٹرولنگ کا نشانہ بنایا ۔
ٹرولنگ میں اضافے کے بعد ممتا کلکرنی نے اپنے بیان سے رجوع کرلیا اور وضاحت پیش کرتے ہوئے کہا کہ ان کے الفاظ کو غلط مطلبدیا گیا ہے۔ورکھپور میں میڈیا سے گفتگو کرتے ہوئے انہوں نے کہا میں نے داؤد ابراہیم نہیں، بلکہ وکی گوسوامی کی بات کی تھی۔ داؤد واقعی دہشت گرد ہے۔
وکی گوسوامی، جو ماضی میں منشیات سمگلنگ کے الزام میں گرفتار ہو چکے ہیں، کا نام کبھی ممتا کلکرنی کے ساتھ جوڑا گیا تھا۔ ممتا نے مزید کہا کہ ان کا داؤد سے کبھی کوئی تعلق نہیں رہا۔
انہوں نے کہا کہ میرا سیاست یا فلمی دنیا سے اب کوئی لینا دینا نہیں۔ میں مکمل طور پر مذہب کے راستے پر چل رہی ہوں۔ بطور سناتن دھرم کی پیروکار، میرے لیے کسی بھی ملک دشمن عنصر سے تعلق رکھنا ناممکن ہے۔