لندن : لندن ،برطانوی شہزادہ ہیری کی ایک سال سے زائد عرصے کے بعد اپنے والد شاہ چارلس سوم سے لندن میں ملاقات ہوئی۔
رپورٹ کے مطابق کے مطابق بکنگھم پیلس نے شاہ چارلس اور شہزادہ ہیری کی ملاقات کی تصدیق کی ہے۔دونوں نے کلیئرنس ہاؤس میں ایک ساتھ کچھ وقت گزارا جہاں شاہ چارلس صرف اس صورت میں رہائش پذیر ہوتے ہیں جب ان کا ہسپتال میں علاج جاری ہو۔
بدھ کی دوپہر کو شہزادہ ہیری کو بکنگھم محل کے قریب واقعہ کلیئرنس ہاؤس میں داخل ہوتے ہوئے دیکھا گیا تاہم والد کے ساتھ تقریباً ایک گھنٹے کی ملاقات کے بعد وہ روانہ ہو گئے۔واضح رہے شہزادہ ہیری اور اہلیہ میگھن مرکل کے 2020 میں شاہی خاندان سے علیحدگی کے بعد باپ اور بیٹے کے درمیان فاصلے بڑھ گئے تھے۔