لاہور:(حافظ نعیم سے )وزیر اعلیٰ مریم نواز شریف کی ہدایت پر سینئر منسٹر مریم اورنگ زیب اور دیگر وزراء کا جلال پور پیر والا میں گیلانی ایکسپریس وے کا دورہ کیا ہے اورنواحی گاؤں 86 ایم کے قریب گیلانی ایکسپریس وے میں شگاف کا جائزہ لیا۔
یادرہے گیلانی ایکسپریس وے پر نواحی گاؤں 86 ایم کے قریب جلالپور پیر والہ شہر کو بچانے کے لئے شگاف ڈالا گیا تھا
وزیر اعلیٰ مریم نواز شریف کی ہدایت پر سینئر منسٹر مریم اورنگ زیب اور دیگر وزراء نے جلال پور پیر والا کے نواحی گاؤں 86ایم بند پر ریسکیو آپریشن کی نگرانی کی۔
مظفرگڑھ کے علاقے ہیڈ پنجند میں پانی کی سطح بلند ہورہی ہےصبح چھ بجے سےسینئر منسٹر مریم اورنگ زیب انخلا آپریشن کے لئے خود سپیکر پر اعلان کرتی رہیں۔کمشنر ملتان اور دیگر حکام بھی جلال پور پیر والا میں موجود ہیں جبکہ وزیر اعلیٰ پنجاب مریم نواز شریف کی ہدایت پر چیف سیکرٹری زاہد اختر زمان بھی علی پور روانہ ہوچکے ہیں۔