لاہور: (ملک ظہیر سے )آئی جی پنجاب ڈاکٹر عثمان انور سے انٹرنیشنل پولیس کوآپریشن اٹلی میجر جنرل لوئیگی لینڈولی (Luigi Landoli) کی قیادت میں اعلی سطح کے وفد کی ملاقات کی ہے۔
دوران ملاقات دہشت گردی منشیات و ہیومن سمگلنگ، ٹریفکنگ کی سرکوبی کے لئے اٹالین پولیس کے ساتھ انفارمیشن شئیرنگ، تعاون کے مزید فروغ کے متعلق تبادلہ خیال کیا گیا۔ جیکہ اٹالین اور پنجاب پولیس کے مابین کریمینلز انفارمیشن شیئرنگ، پولیس و ٹریفک مینجمنٹ سسٹم کے دو طرفہ تجربات سےاستفادہ کو مزید فروغ دینے پر اتفاق رائے کیا گیا۔
سینئر پولیس افسران نے اٹالین پولیس وفد کو پنجاب پولیس کی آئی ٹی بیسڈ جدید ایپلی کیشنز، سسٹمز، اصلاحات آگاہ کیا۔وفد کو رائٹ مینجمنٹ پولیس، سی ٹی ڈی، میثاق سنٹرز، سی سی ڈی سمیت پبلک سیفٹی اور سکیورٹی کے جدید اقدامات سے آگاہ کیا گیا۔
اجلاس میں اس امر پر بھی اتفاق رائے ہوا کہ اٹالین اور پنجاب پولیس کے افسران کی ٹریننگ کے ذریعے ایک دوسرے کے تجربات، ٹیکنالوجی سے استفادہ کیا جائے گا۔
آئی جی پنجاب ڈاکٹر عثمان انور نے وفد کو بریفنگ میں بتایا کہ خواتین، بچوں، ٹرانسجینڈرز، معاشرے کے کمزور طبقات کے تحفظ کے لئے ورچوئل وویمن پولیس سٹیشنز، ورچوئل سنٹرز برائے چائلڈ سیفٹی، تحفظ مراکز قائم کئے گئے ہیں۔
اٹالین پولیس سربراہ نے پبلک سروس ڈلیوری میں جدت، آرگنائزڈ کرائم، دہشت گردی کے خاتمے کیلئے پنجاب پولیس کے اقدامات کو سراہا۔آئی جی پنجاب اور اٹالین پولیس سربراہ کے مابین یادگاری شیلڈز کا تبادلہ بھی کیا گیا۔
وفد میں اٹالین ریجنل کاونٹر نارکوٹکس کوارڈینٹر بریگیڈیئر جنرل سلویٹورے لاباربیرا، اٹالین اسٹیٹ پولیس سپیشل فورسز کے سربراہ کرنل مارکو مونٹیلینو، بارڈر پولیس اینڈ امیگریشن اٹلی کے سربراہ کرنل روبرٹو میٹائی، انٹرنیشنل پولیس آپریشنز کے سربراہ لیفٹیننٹ کرنل روبرٹو ٹیسورینو،پاکستان کے لئے اٹالین پولیس کے رابطہ افسر لیفٹیننٹ کرنل کونسٹین ٹینو سکودیری اور لاہور میں اٹلی کے اعزازی قونصل فہد اقبال وفد میں شامل تھے۔ایڈیشنل آئی جی پنجاب سلطان احمد چوہدری، ڈی آئی آئی جی رائٹ مینیجمنٹ پولیس، ایس ایس پی سی ٹی ڈی، اے آئی جی آپریشنز، اے آئی جی ایڈمن، اے آئی جی ڈسپلن سمیت سینئر پولیس افسران موقع پر موجود تھے۔