لاہور:(حافظ نعیم سے ) وزیراعلی پنجا ب مریم نواز شریف کے حکم پر پانچ محکموں کے صوبائی سیکرٹریز کے سیلاب متاثرہ گجرات میں ڈیرے، پانچ بڑے شہروں سے واسا کی مشینری بھی پہنچا دی گئی ۔
وزیراعلی پنجاب مریم نواز شریف نے گجرات میں سیلاب کی صورتحال پر ہنگامی اقدامات کئے ہیں پنجاب کے پانچ بڑے شہروں کی واسا کی مشینری گجرات پہنچا دی گئی جبکہ وزیراعلی مریم نواز شریف کے حکم پر پانچ صوبائی سیکرٹری گجرات پہنچ گئے۔ وزیراعلی مریم نواز نے صوبائی سیکرٹریز کو ہنگامی اقدامات پر موثر عملدرآمد اور صورتحال ٹھیک ہونے تک گجرات میں رہنے کا حکم دیا ہے۔
وزیراعلی پنجاب مریم نواز شریف کے حکم پر ہاؤسنگ، کمیونیکیشن، ورکس، لوکل گورنمنٹ اور اریگیشن کے صوبائی سیکرٹری گجرات پہنچ گئے جبکہ لاہور سمیت دیگر شہروں کے واسا کے سینکٹروں واٹر پمپ گجرات پہنچا دئیے گئے
دیگر شہروں سے مزید بھاری مشینری، دیگر ضروری سازو سامان اور عملے کی گجرات آمد کا سلسلہ بھی جاری ہےآئیندہ دو روز میں مزید مشینری گجرات پہنچ جائے گی۔گجرات میں سلابی پانی کے نکاس کے ہنگامے ایکشن پلان پر چوبیس گھنٹے کام ہوگا۔
گجرات میں نکاسی آب اور سیوریج کے جدید نظام کی تعمیر کے لیے پہلے سے منظور شدہ 21 ارب روپے کے پیکج پر بلاتاخیر عمل درآمد شروع کرنے کا بھی فیصلہ۔منصوبے کے تحت مستقبل میں نکاسی آب کا جدید انفراسٹرکچر تعمیر ہوگا۔انجنئیرنگ کے جدید خطوط پر سیلابی نالوں کا پورا نظام بنے گا جبکہ ایک ہفتے میں گجرات واسا کے نئے قائم ہونے والے ادارے کو بھاری مشینری فراہم کر دی جائے گی۔
گجرات میں نکاسی آب اور شہریوں کی مدد کے لئے 83 ٹیکنیکل مہارت رکھنے والے عملے کی بھی ہنگامی بنیادوں پر تعیناتینکاسی آب کے 26 اور پینے کے پانی کی فراہمی کے 24 مزید پمپ بھی گجرات پہنچا دئیے گئے۔7 واٹر براؤزر اور 4 مٹی اور گندگی اٹھانے کی مشینیں (ایکسویٹرز)، ایندھن پہنچانے کا ایک ٹرک اور دو بڑے جنریٹر بھی گجرات پہنچا دئیے گئے۔
یادرہےلورین کے مقام سے سیلابی پانی گجرات شہر میں داخل ہو رہا ہے، بھمبر کی طرف جاتے چھوٹے چھوٹے پانی کے بہاؤ کے ذرائع سے اس کی مقدار بڑھ رہی ہےنالہ کھود کر 20 فیصد پانی کا رخ موڑنے کا آپریشن جاری، 80 فیصد پانی اب بھی شہر کی طرف جا رہا ہے۔مشینری اور عملے کی مدد سے ہلسی نالے کی طرف جانے والی نالی کی گنجائش بڑھانے کی کوشش بھی جاری ہے۔سیلابی پانی کا رخ موڑنے کے لیے 5 پمپس بھی نصب کیے جا رہے ہیں۔آبپاشی کی اصطلاح میں، شدید بارشوں کی وجہ سے پانی کا بہاؤ ‘شیٹ فلو’ یعنی زمین پر چادر کی رح پھیلا ہوا ہے۔
دوسری طرف گرین ٹاؤن، مکی محلہ، کالرا کلاں، ریلوے روڈ، اور پدھی کالونی کی صفائی ستھرائی کا آپریشن مکمل کر لیا گیا۔وزیراعلی مریم نواز شریف نے ڈسپوزل اسٹیشن کی موثر کارکردگی کی تعریف کی ہے جس نے ان علاقوں کی کلیئرنس کو یقینی بنایا۔