اسلام آباد : نیب نے ملک ریاض کے قریبی ساتھی اور بحریہ ٹاؤن کی اہم شخصیت عمران کاکا کو منی لانڈرنگ کیس میں گرفتار کرلیا۔
سینئر صحافی زاہد گشکوری کے مطابق گرفتاری کے دوران ایف آئی اے نے 135 کمپیوٹرز قبضے میں لیے جن میں موجود شواہد کو پاناما کے والیم 10 سے بھی زیادہ خطرناک قرار دیا جا رہا ہے۔ذرائع کے مطابق عمران کاکا پر 158 ارب روپے کی منی لانڈرنگ کا الزام ہے جبکہ اس اسکینڈل میں بڑے سیاسی و کاروباری نام، ایک وفاقی وزیر سمیت، شامل بتائے جارہے ہیں۔ ایف آئی اے سے کسٹڈی لینے کے بعد نیب 5300 ارب روپے کے میگا کیس کی تحقیقات کر رہا ہے جس میں ملک ریاض اور ان کے بیٹے علی ریاض پہلے ہی اشتہاری قرار دیے جا چکے ہیں۔
اب تک 18 بڑی گرفتاریاں ہوچکی ہیں، مزید اہم شخصیات کی گرفتاری کسی بھی وقت متوقع ہے۔