شکاگو:امریکہ کے شہر شکاگو میں فائرنگ کے ایک ہولناک واقعے میں ابھرتے ہوئے نوجوان ریپر بلڈ ہاؤنڈ کیو 50 (Bloodhound Q50) کو بے دردی سے قتل کر دیا گیا ہے۔ پولیس کے مطابق یہ سفاکانہ حملہ اتوار کی علی الصبح پیش آیا۔
تیئیس سالہ ریپر، جن کا اصل نام میکوالی کوپر (Mikquale Cooper) تھا، صبح کے تقریباً چار بجے فلر پارک کے علاقے میں ایک گیس اسٹیشن پر اپنی ٹیسلا کار میں بیٹھے ہوئے تھے کہ اچانک دو گاڑیوں میں سوار چھ حملہ آور وہاں پہنچ گئے۔ حملہ آوروں نے آتے ہی ان کی گاڑی پر اندھا دھند فائرنگ شروع کر دی، جس کے نتیجے میں وہ موقع پر ہی دم توڑ گئے۔
ابتکائی رپورٹس کے مطابق گاڑی پر پچاس سے زائد گولیاں فائر کی گئیں۔ سینے اور کندھے پر گولیاں لگنے کے باعث میکوالی کوپر شدید زخمی ہوئے اور طبی امداد پہنچنے سے پہلے ہی جاں بحق ہو گئے۔ اتنی کم عمری میں اس اچانک اور ہولناک موت پر ان کے مداحوں اور شوبز حلقوں میں گہرے صدمے اور غم کی لہر دوڑ گئی ہے۔ پولیس نے واقعے کی سی سی ٹی وی فوٹیجز کی مدد سے حملہ آوروں کی تلاش شروع کر دی ہے، تاہم تاحال کسی گرفتاری عمل میں نہیں آئی ہے۔
شکاگو :گاڑی پر گولیوں کی بارش، مشہور 22 سالہ ریپر ”بلڈ ہاؤنڈ کیو 50“ ہلاک،
