مٹیاری رپورٹ عامر علی انڑ
مٹیاری کی تعصیل ہالا میں پاکستان مسلم لیگ (ن) کے رہنما نصیر احمد میمن کی جانب سے ماشاءاللہ ہاؤس ہالا میں جماعت اسلامی ضلع مٹیاری کے نومنتخب امیر فقیر محمد لاکو اور ان کے ساتھیوں کے اعزاز میں ایک پروقار استقبالیہ تقریب کا اہتمام کیا گیا، جس میں مختلف سیاسی، سماجی اور مذہبی جماعتوں کے رہنماؤں اور معزز شخصیات نے بڑی تعداد میں شرکت کی تقریب میں سندھ سکار سوسائٹی کے چیئرمین ایاز میمن، جسقم رہنما عبدالرشید ڈیٹھو، الخدمت فاؤنڈیشن کے یار محمد لاکو، رحمت اللہ بلال، محمد موسیٰ سیال، کامران بھیون، رشید رند سمیت دیگر معزز شخصیات شریک ہوئیں اس موقع پر خطاب کرتے ہوئے مقررین نے جماعت اسلامی ضلع مٹیاری کے نومنتخب امیر فقیر محمد لاکو اور ان کے ساتھیوں کو مبارکباد پیش کی اور امید ظاہر کی کہ نئی قیادت ضلع بھر میں عوامی خدمت، سماجی بہبود، تعلیم، صحت اور عوام کو درپیش بنیادی مسائل کے حل کے لیے اپنا بھرپور کردار ادا کرے گی مقررین کا کہنا تھا کہ معاشرے کی بہتری اور عوامی مسائل کے حل کے لیے سیاسی، سماجی اور مذہبی حلقوں کے درمیان باہمی رابطوں اور تعاون کو فروغ دینا وقت کی اہم ضرورت ہے سیاسی اختلافات اپنی جگہ، تاہم عوامی مفادات، امن و امان، بھائی چارے اور علاقے کی ترقی کے لیے تمام سیاسی و سماجی قوتوں کو مل کر اپنا کردار ادا کرنا چاہیے تقریب کے اختتام پر میزبان نصیر احمد میمن کی جانب سے جماعت اسلامی ضلع مٹیاری کے نومنتخب امیر فقیر محمد لاکو اور ان کے ساتھیوں کو پھولوں کے ہار پہنائے گئے جبکہ سندھ کی ثقافتی روایت کے مطابق انہیں اجرک اور لنگیوں کے تحائف بھی پیش کیے