ریاض/واشنگٹن: امریکہ نے مشرق وسطیٰ میں بڑھتی ہوئی سکیورٹی صورتحال اور ممکنہ خطرات کے پیش نظر سعودی عرب کے لیے ایک بار پھر نیا سکیورٹی الرٹ جاری کر دیا ہے۔
امریکی محکمہ خارجہ کی جانب سے جاری کردہ نئی ہدایت کے مطابق، سعودی عرب میں موجود تمام غیر ضروری (نان ایمرجنسی) امریکی سرکاری ملازمین اور ان کے اہل خانہ کو فوری طور پر ملک چھوڑنے کا حکم دے دیا گیا ہے۔
حکام کا کہنا ہے کہ یہ قدم خطے میں سکیورٹی خدشات اور میزائل و ڈرون حملوں کے بڑھتے ہوئے خطرات کے تناظر میں اٹھایا گیا ہے۔ نئی ہدایات کے تحت امریکی سرکاری ملازمین کو سعودی عرب کے کسی بھی ہوائی اڈے کے استعمال سے قبل امریکی چیف آف مشن سے خصوصی اجازت لینا ہوگی، جبکہ انہیں یمن کی سرحد کے قریب سفر کرنے سے بھی سختی سے منع کیا گیا ہے۔