ٹوکیو:جاپان کے ایک سٹور سے چوری ہونے والی آٹھ کروڑ روپے سے زائد مالیت کی لگژری گھڑی ’سوری نوٹ‘ کے ساتھ واپس کر دی گئی۔
غیرملکی خبر رساں ادارے کے مطابق یہ واقعہ دارالحکومت ٹوکیو میں پچھلے ہفتے پیش آیا جس میں دو لاکھ 90 ہزار ڈالر کی گھڑی کو ہاتھ پر پہن کر چیک کرنے کے بہانے اڑا لیا گیا تھا۔
Thief returns ¥46M ($291,500) watch by courier with ‘I AM SORRY’ note in Japan
He tried on an Audemars Piguet watch in a store, fled with it on his wrist — then shipped it back with a handwritten apology
Police suspect the sender’s name was fake and continue the investigation https://t.co/H8lleGjw9c
— RT Intl (@RT_on_X) November 2, 2026
واقعے کے بعد مقامی میڈیا پر جاری ہونے والے رپورٹس میں بتایا گیا تھا کہ گاہک بن کر آنے والے ایک شخص نے مشہور کمپنی آڈیماز پیگے کی گھڑی خریدنے کی خواہش ظاہر کی اور سیلز نے اٹھا کر دکھائی جس نے چیکنگ کے لیے کلائی پر پہنی اور قیمت پوچھنے کے علاوہ فنکشنز کے بارے میں بات چیت کرتا رہا۔
تاہم اس دوران سیلز مین کا دھیان ذرا سا بٹتے ہی دوڑ لگا دی اور آناً فاناً سٹور سے باہر نکل گیا، پیچھا کرنے کی کوشش کے باوجود ہاتھ نہیں آ سکا۔
واقعے کے بعد پولیس میں رپورٹ کی گئی، تحقیقات بھی ہوئیں اور سی سی ٹی وی فوٹیجز کا جائزہ لیا گیا۔
تاہم صورتحال میں اچانک ایک نیا موڑ اس وقت آیا جب سٹور کے پتے پر ایک پیکٹ آیا۔
مالک نے کھول کر دیکھا تو اس کے اندر اسی طرح کی گھڑی موجود تھی جو چوری ہوئی تھی جبکہ اس کے ساتھ ہاتھ سے لکھا ہوا ایک معافی نامہ بھی موجود تھا۔
جاپانی آخبار اساہی شمبن اور دیگر میڈیا آؤٹ لیٹس کا کہنا ہے کہ سٹور کے مالک نے گھڑی کا سیریل نمبر چیک کیا تو یہ وہی گھڑی تھی اور وہ درست حالت میں تھی۔