سیالکوٹ (بیورو رپورٹ / سلیم احمد اعوان شیخو)
سیشن عدالت سے قتل کے مقدمہ میں ملوث ایک ملزم کو عمر قید و جرمانہ کی سزا سنا دی گئی جبکہ ایک ملزم کو شک کا فائدہ دے کر بری کر دیا گیا۔بتایا گیا ہے کہ ایڈیشنل سیشن جج سیالکوٹ رائے محمد خان کی عدالت میں تھانہ ہیڈ مرالہ کے علاقہ رہنگ کھوکھراں کا قتل کا مقدمہ زیر سماعت تھا۔فاضل جج نے مقدمہ کی سماعت مکمل ہونے پر ملزم راشد عمر قید اور 2 لاکھ روپے مقتول واجد علی کے ورثاء کو بطور ہرجانہ ادا کرنے کا حکم سنایا جبکہ ملزم ظل حیدر کو شک کا فائدہ دے کر بری کر دیا۔استغاثہ کے مطابق ملزمان نے واجد علی کو سابقہ رنجش کی بناء پر گھر سے باہر بلا کر اس پر فائرنگ کر کے قتل کر دیا تھا۔مقدمہ کا مدعی سلطان علی ہے۔استغاثہ کی پیروی وکلاء پرویز چیمہ،خاور ملک اور جاوید اقبال بٹ نے کی۔