لندن :مشرقِ وسطیٰ سے توانائی کی فراہمی میں مزید خلل پڑنے کے بڑھتے ہوئے خدشات کے باعث تیل کی قیمتوں میں مزید اضافہ ہوگیا۔ گرینچ کے معیاری وقت کے مطابق جمعہ کو صبح 06:39 بجے تک برینٹ خام تیل کے فیوچرز 1.3 ڈالر یا 1.2 فیصد بڑھ کر 114.47 ڈالر فی بیرل ہو گئے۔ امریکی ویسٹ ٹیکساس انٹرمیڈیٹ خام تیل کے فیوچرز 1.37 ڈالر یا 1.4 فیصد اضافے کے ساتھ 100.84 ڈالر پر پہنچ گئے۔
برینٹ خام تیل، جس نے گزشتہ روز جمعرات کو بندش پر 4 مئی کے بعد سے اپنی بلند ترین سطح درج کی تھی، مسلسل تیسرے ہفتے اپنے ہفتہ وار کاروباری سیشن کا اختتام اضافے کے ساتھ کرنے کی طرف گامزن ہے۔
غیر ملکی خبر رساں ایجنسی کے مطابق ویسٹ ٹیکساس انٹرمیڈیٹ خام تیل دو ہفتوں کے منافع کا سلسلہ ختم کرتے ہوئے کمی کی طرف جا رہا ہے۔
