موسیقی کی دنیا میں نیا عالمی ریکارڈ! بی ٹی ایس (BTS) اسپاٹی فائی پر 10 ارب اسٹریمز حاصل کرنے والا دنیا کا پہلا میوزک گروپ

سیول (ویب ڈیسک): جنوبی کوریا کے عالمی شہرت یافتہ پاپ میوزک گروپ بی ٹی ایس (BTS) نے ایک ہی سال کے اندر اسپاٹی فائیم (Spotify) پر 10 ارب (10 Billion) سے زائد اسٹریمز حاصل کر کے موسیقی کی دنیا میں ایک نیا عالمی ریکارڈ قائم کر دیا ہے۔ بی ٹی ایس کی ریکارڈ لیبل کمپنی ‘بگ ہٹ میوزک’ (BigHit Music) کے مطابق، بی ٹی ایس یہ تاریخی سنگِ میل عبور کرنے والا دنیا کا پہلا میوزک بینڈ بن گیا ہے۔
جنوبی کورین نیوز ایجنسی ‘یونہاپ’ کے مطابق، بینڈ کی یہ کامیابی تمام ساتوں اراکین کی لازمی ملٹری سروس (فوجی تربیت) کی تکمیلی کے بعد باقاعدہ واپسی کے نتیجے میں سامنے آئی ہے۔ بی ٹی ایس کے اسپاٹی فائیم اسٹریمز 2025 میں 4.5 ارب تھے جو کہ رواں سال دگنے سے بھی زیادہ ہو چکے ہیں۔
بی ٹی ایس کی اس ریکارڈ ساز کامیابی میں ان کے 20 مارچ کو ریلیز ہونے والے پانچویں اسٹوڈیو البم "اری رنگ” (Arirang) کا سب سے اہم کردار رہا، جو اب تک 5 ارب سے زائد بار اسٹریم ہو چکا ہے۔
"اری رنگ” البم نے ریلیز کے پہلے ہی دن 110 ملین (11 کروڑ) سے زائد اسٹریمز حاصل کیے۔ اسپاٹی فائیم کے مطابق، یہ البم منصے پر ریلیز کے پہلے ہی دن کے پاپ (K-pop) کی تاریخ کا سب سے زیادہ اسٹریم ہونے والا البم بن گیا تھا۔
یہ البم موجودہ سال میں دنیا بھر میں ریلیز ہونے والے تمام البمز میں سے سب سے زیادہ اسٹریم ہونے والا البم بن چکا ہے۔
اگرچہ اس سے قبل ٹیلر سوئفٹ، اریانا گرانڈے اور بیڈ بَنی جیسے انفرادی فنکار (Solo Artists) 10 ارب اسٹریمز کا ہندسہ عبور کر چکے ہیں، لیکن بی ٹی ایس دنیا کا وہ واحد میوزک گروپ ہے جس نے بطور بینڈ یہ تاریخی کامیابی حاصل کی ہے۔
اسپاٹی فائیم کی جانب سے جاری کردہ اعداد و شمار کے مطابق، بی ٹی ایس دنیا بھر میں اب تک سب سے زیادہ اسٹریم کیے جانے والے فنکاروں کی ہمہ وقتی فہرست میں 12 ویں نمبر پر آ چکا ہے۔ 2013 میں شروعات کرنے والے اس گروپ نے "ڈائنا مائٹ” (Dynamite) اور "بٹر” (Butter) جیسے سپر ہٹ گانوں کے ذریعے بل بورڈ ہاٹ 100 چارٹس میں ٹاپ پوزیشن حاصل کی اور کورین پاپ میوزک (K-pop) کو بین الاقوامی سطح پر ایک نئی پہچان دی ہے۔