لندن :برطانیہ میں خاندانی نام ’خان‘ 2027 میں ’سمتھ‘ کو پیچھے چھوڑ کر نوزائیدہ بچوں کا سب سے عام خاندانی نام بن سکتا ہے۔
دفتر برائے قومی شماریات (او این ایس) کے اعداد و شمار کے تجزیے سے ظاہر ہوا ہے کہ ’سمتھ‘ کی مقبولیت میں گذشتہ 30 برسوں سے کمی آ رہی ہے، جبکہ روایتی طور پر مسلمانوں میں عام نام ’خان‘ کی مقبولیت اس عرصے میں دوگنا سے بھی زیادہ ہو چکی ہے۔
اعداد و شمار کے مطابق 2025 میں انگلینڈ اور ویلز میں 4,102 بچوں کی پیدائش کے اندراج میں خاندانی نام ’سمتھ‘ درج کیا گیا جبکہ 3,772 بچوں کے ساتھ ’خان‘ دوسرے نمبر پر رہا۔
’سمتھ‘ کی مقبولیت میں سالانہ اوسطاً 4 فیصد کمی اور خان کی مقبولیت میں سالانہ اوسطاً 1.9 فیصد اضافے کے پیش نظر امکان ہے کہ ’خان‘ 2027 میں سرفہرست مقام حاصل کر لے گا۔
آکسفورڈ یونیورسٹی کے مائیگریشن آبزرویٹری کی محقق نونی یورگینسن نے کہا کہ یہ رجحان نقل مکانی کے اثرات کی عکاسی کرتا ہے، کیونکہ ’خان‘ جنوبی ایشیائی ممالک میں عام خاندانی نام ہے۔
