نواب شاہ (رپورٹ: نفیس آرائیں)
تھانہ کھڈہر پولیس نے گشت کے دوران مشکوک شخص کو روکنے کی کوشش کی تو ملزم نے پولیس پارٹی پر فائرنگ کرتے ہوئے فرار ہونے کی کوشش کی۔ پولیس کی جوابی کارروائی میں فائرنگ کے تبادلے کے دوران ایک ڈاکو زخمی ہوگیا، جسے زخمی حالت میں گرفتار کرکے اسلحہ برآمد کرلیا گیا۔
پولیس کے مطابق گرفتار ملزم کی شناخت صفدر علی ولد دیدار علی چانڈیو (سکنہ نواب شاہ سٹی) کے نام سے ہوئی ہے، جو مبینہ طور پر منشیات فروشی اور دیگر جرائم میں ملوث رہا ہے۔ پولیس ریکارڈ کے مطابق ملزم کے خلاف 2020 سے 2026 تک ڈکیتی، منشیات، پولیس پر حملے، اغوا و دیگر سنگین دفعات کے تحت 12 مقدمات درج ہیں۔
زخمی ملزم کو طبی امداد کے لیے اسپتال منتقل کردیا گیا ہے جبکہ مزید تفتیش جاری ہے۔ ایس ایس پی شہید بینظیر آباد نے کہا ہے کہ جرائم پیشہ اور منشیات فروش عناصر کے خلاف بلاامتیاز کارروائیاں جاری رہیں گی۔