عمرکوٹ (رپورٹ: ڈاکٹر ایم لال واگھانی، بیورو چیف)
سندھ ہائی کورٹ کے حکم پر سامارو تھانے میں ایس ایچ او شاہنواز خاصخیلی سمیت 7 پولیس اہلکاروں کے خلاف مقدمہ درج کر لیا گیا ہے، جبکہ کیس کی تفتیش سینئر پولیس افسر کے سپرد کر دی گئی ہے۔ ایس ایچ او شاہنواز خاصخیلی، اے ایس آئی خادم خاصخیلی، بڑے منشی اے ایس آئی میر خان سولنگی، پولیس اہلکار صدام بھرگڑی اور 3 نامعلوم پولیس اہلکار شامل ہیں۔ فریادی زمیندار محمود قائم خانی کے مطابق 20 اگست کو سامارو پولیس نے دیہہ 207، چھتن شاخ کے مقام پر واقع ان کی زمینی اوطاق پر بلاجواز چھاپہ مارا تھا۔ کیس کی شفاف تفتیش کے لیے مقررہ افسر ڈی ایس پی سٹی عمرکوٹ میاں اظہر سموں نے تفتیشی ٹیم کے ہمراہ چھاپے والے مقام کا دورہ کیا، موقع کا جائزہ لیا اور آس پاس کے افراد سے معلومات اکٹھی کیں ہائی کورٹ کے حکم پر درج مقدمے کے بعد نامزد چاروں اہم اہلکاروں (ایس ایچ او، دونوں اے ایس آئیز اور پولیس اہلکار صدام) کی عمرکوٹ کی عدالت سے عبوری ضمانت منظور ہو چکی ہے۔واقعے کی تمام تر تفصیلات اور حقائق کو سامنے لانے کے لیے مزید قانون کے مطابق تفتیش جاری ہے۔