دیر بالا (بیورو چیف، ریاض ابوالخیل)
تھانہ شرینگل پولیس نے فوری اور بروقت کارروائی کرتے ہوئے قتل کے مقدمے میں نامزد مبینہ ملزم کو آلۂ قتل سمیت گرفتار کر لیا ہے۔
تفصیلات کے مطابق دیہہ شگی روندیش میں فائرنگ سے ایک خاتون (بیوی) کے قتل کی اطلاع ملتے ہی ڈی پی او دیر بالا اسلم نواز نے ایس ڈی پی او سرکل کوہستان نجاد خان کی نگرانی میں ایس ایچ او تھانہ شرینگل پر مشتمل خصوصی ٹیم تشکیل دے کر فوری کارروائی کا حکم دیا۔
پولیس ٹیم نے مہارت سے کارروائی کرتے ہوئے مبینہ ملزم ظاہر ولد غوث محمد (سکنہ شگی روندیش) کو گرفتار کر کے اس کے قبضے سے آلۂ قتل (پستول) برآمد کر لیا۔
ملزم کے خلاف تھانہ شرینگل میں دفعہ 302 PPC اور 15/AA کے تحت مقدمہ درج کر لیا گیا ہے۔ پولیس کے مطابق واقعے کے اصل محرکات اور تمام حقائق سامنے لانے کے لیے مختلف پہلوؤں سے مزید تفتیش جاری ہے۔