دیربالا سے( بیورو چیف ریاض ابوالخیل)
دیربالا داروڑہ کے عوام کی ایک دیرینہ ضرورت پوری ہونے جا رہی ہے۔ داروڑہ نادرا سنٹر میں پاسپورٹ کی سہولت فراہم کرنے کا اعلان اہلِ علاقہ کے لیے ایک اہم اور خوش آئند پیش رفت قرار دیا جا رہا ہے۔
اس اہم اقدام پر اہلِ داروڑہ کی جانب سے پاکستان مسلم لیگ (ن) کے رہنماؤں اور سابق وزیر ملک جہانزیب خان، ملک نعمان خان، ملک حیات خان، معروف سیاسی و سماجی شخصیت و بزنس مین ملک بہار محمد اور انجینئر امیر مقام سمیت تمام قائدین اور متعلقہ ذمہ داران کا تہہ دل سے شکریہ ادا کیا جا رہا ہے۔
خصوصاً ملک بہار محمد کی کوششوں کو عوامی حلقوں کی جانب سے سراہا جا رہا ہے، جنہوں نے داروڑہ کے عوام کے اس دیرینہ مسئلے کو متعلقہ حکام تک پہنچانے اور اس کے حل کے لیے مسلسل آواز اٹھائی۔
مقامی سطح پر پاسپورٹ کی سہولت دستیاب ہونے سے عوام کو دور دراز علاقوں کا سفر نہیں کرنا پڑے گا، جس سے نہ صرف قیمتی وقت اور سفری اخراجات کی بچت ہوگی بلکہ پاسپورٹ سے متعلق امور میں بھی شہریوں کو بڑی سہولت میسر آئے گی۔
اہلِ علاقہ نے امید ظاہر کی ہے کہ مسلم لیگ (ن) کی حکومت اور اس کے قائدین آئندہ بھی دیر بالا کے عوام کو درپیش دیگر بنیادی مسائل، بالخصوص بجلی، نادرا، پاسپورٹ اور دیگر سرکاری سہولیات کے حوالے سے عملی اقدامات جاری رکھیں گے۔
عوامی حلقوں کا کہنا ہے کہ کسی بھی حکومت کی اصل کامیابی یہی ہے کہ اس کے اقدامات کے ثمرات براہِ راست عام شہری تک پہنچیں۔ داروڑہ نادرا سنٹر میں پاسپورٹ سہولت کا قیام بھی اسی سلسلے کی ایک اہم کڑی ہے۔
اہلِ داروڑہ نے ایک مرتبہ پھر معروف سیاسی و سماجی شخصیات بزنس مین
ملک بہار محمد، انجینئر امیر مقام، ملک جہانزیب خان، ملک نعمان خان، ملک حیات خان اور دیگر متعلقہ قائدین و ذمہ داران کا خصوصی شکریہ ادا کرتے ہوئے کہا ہے کہ عوامی مسائل کے حل کے لیے کی جانے والی کوششوں کو قدر کی نگاہ سے دیکھا جائے گا۔۔