سرگودھا: سرگودھا کے تھانہ بھیرہ میں پاکستان تحریک انصاف کے رہنما نعیم حیدر پنجوتھہ کے خلاف بجلی چوری کے الزام میں مقدمہ درج کرلیا گیا۔
پولیس کے مطابق فیسکو حکام کی جانب سے بجلی چوری کے خلاف کارروائی کے دوران مبینہ طور پر بجلی کی چوری پکڑی گئی، جس کے بعد محکمہ بجلی کی رپورٹ پر قانونی کارروائی عمل میں لاتے ہوئے مقدمہ درج کیا گیا۔
ایف آئی آر کے مطابق فیسکو سب ڈویژن سردار پور نون کی جانب سے بجلی چوری کی اطلاع پولیس کو دی گئی، جس پر تھانہ بھیرہ میں مقدمہ درج کیا گیا۔
رپورٹ میں بجلی کی غیر قانونی کنکشن کے ذریعے ترسیل اور میٹر میں مبینہ ردوبدل سمیت دیگر الزامات کا ذکر کیا گیا ہے۔
پولیس نے مقدمہ درج کرکے واقعے کی مزید تفتیش شروع کردی ہے۔
پولیس اور سادہ کپٹروں میں ملبوس افراد آتے ہیں میٹر اتارتے ہیں ٹیمپر کرتے ہیں اور پھر چوری کا مقدمہ درج کر دیتے ،اور میرے گھر میں سولر لگا ہوا میں ،یہ پولیس والے اور دیگر افراد جو گھر کی توڑ پھوڑ کر رہے تھے یہ واپڈا کے ملازم تھے سب ؟پنجاب سٹریٹ مومنٹ ،قویسے سوال کہ مجھے اتنا…
— Naeem Haider Panjutha (@NaeemPanjuthaa) September 12, 2026
دوسری طرف نعیم پنجوتھہ نے ایکس پر اپنی پوسٹ میں کہا ہے کہ ”پولیس اور سادہ کپٹروں میں ملبوس افراد آتے ہیں میٹر اتارتے ہیں ٹیمپر کرتے ہیں اور پھر چوری کا مقدمہ درج کر دیتے ،اور میرے گھر میں سولر لگا ہوا میں ،یہ پولیس والے اور دیگر افراد جو گھر کی توڑ پھوڑ کر رہے تھے یہ واپڈا کے ملازم تھے سب ؟پنجاب سٹریٹ مومنٹ ،قویسے سوال کہ مجھے اتنا زیادہ کیوں ٹارگٹ کیا جارہا ؟ گھر توڑنا پھر سیل کرنا، مقدمہ درج کرنا۔”