ملتان (ملک جابر عباس سے)
تحصیل جلال پور پیر والا کے علاقے بستی ، نواں کھوں لعل واہ کے قریب بہشتی نہر پر حادثہ پیش آیا۔
ذرائع کے مطابق ایک گاڑی سڑک پر جا رہی تھی کہ اچانک سامنے آنے والی موٹرسائیکل کو بچا تے ہوئے گاڑی بے قابو ہو کر بہشتی نہر میں جا گری۔
گاڑی میں صرف ڈرائیور سوار تھا، جو خوش قسمتی سے محفوظ رہا جبکہ حادثے میں کوئی جانی نقصان نہیں ہوا۔ مقامی افراد نے فوری طور پر موقع پر پہنچ کر ڈرائیور کو بحفاظت باہر نکال لیا۔
مزید تفصیلات کے مطابق گاڑی کو نہر سے نکالنے کے لیے کوششیں جاری رہیں۔