عمرکوٹ: بیورو چیف
ڈیژنل میرپوخاص اینٹی کرائم اینڈ اینٹی ڈرگز کے ڈائریکٹر ڈاکٹر ایم لال واگھانی اور اس کی ٹیم کی ایس ایس پی عمرکوٹ سہائی ٹالپر سے ان کی آفس میں ملاقات کرائم اور منشیات کے خلاف کارروائی کے سلسلے میں ایس ایس پی عمرکوٹ سے اہم ملاقات
عمرکوٹ میں بڑھتے ہوئے جرائم اور منشیات کے خلاف مؤثر کارروائی کے سلسلے میں ڈاکٹر ایم لال واگھانی کی قیادت میں وفد نے ایس ایس پی عمرکوٹ سے اہم ملاقات کی۔
ملاقات کے دوران شراب، غیر رجسٹرڈ سگریٹ، گٹکا، سفینہ اور دیگر منشیات کی روک تھام سمیت جرائم کے خاتمے سے متعلق اہم امور پر تفصیلی گفتگو کی گئی۔
وفد نے منشیات اور غیر قانونی اشیاء کے کاروبار کے خلاف فوری اور مؤثر کارروائی کی ضرورت پر زور دیا۔ ایس ایس پی عمرکوٹ نے وفد کو یقین دہانی کرائی کہ متعلقہ معاملات پر فوری ایکشن لینے کے احکامات جاری کیے جائیں گے اور قانون کے مطابق کارروائی عمل میں لائی جائے گی۔
اس موقع پر ڈاکٹر ایم لال واگھانی کے ہمراہ اصغر علی سموں بھی موجود تھے۔
وفد نے امید ظاہر کی کہ ضلعی پولیس کی جانب سے منشیات اور جرائم کے خلاف عملی اقدامات کو مزید مؤثر بنایا جائے گا تاکہ معاشرے کو منشیات اور جرائم سے پاک کرنے میں مدد مل سکے۔