اہلیہ پر مبینہ تشدد کیس: ٹک ٹاکر علی حیدر آبادی کی عبوری ضمانت منظور

لاہور:لاہور کی سیشن کورٹ نے اہلیہ پر مبینہ تشدد کے مقدمے میں نامزد معروف ٹک ٹاکر علی حیدر آبادی کی عبوری ضمانت کنفرم کر دی ہے۔
ایڈیشنل سیشن جج نورین انجم نے کیس کی سماعت کے بعد فیصلہ سناتے ہوئے ٹک ٹاکر کی ضمانت کی توثیق کر دی۔ علی حیدر آبادی کے خلاف تھانہ چوہنگ پولیس نے ان کی اہلیہ زینب کی مدعیانہ مدعیت میں مقدمہ درج کر رکھا ہے۔
سماعت کے دوران ٹک ٹاکر کے وکیل رانا انتظار حسین ایڈووکیٹ نے دلائل دیتے ہوئے مؤقف اختیار کیا کہ مدعیہ (اہلیہ) کی جانب سے مقدمے میں جعلی میڈیکل رپورٹ تیار کروائی گئی ہے اور الزامات بے بنیاد ہیں۔ دوسری جانب، مدعیہ کے وکیل نے عدالت کو بتایا کہ تشدد کے نتیجے میں زینب شدید زخمی ہوئی ہیں اور ان کے ہاتھ کی انگلی بھی ٹوٹی ہے۔ فریقین کے دلائل سننے کے بعد عدالت نے علی حیدر آبادی کی عبوری ضمانت کنفرم کرنے کا حکم جاری کر دیا۔