قطر کی وزارت خارجہ کے ترجمان نے کہا ہے کہ خلیجی ممالک اپنی سکیورٹی کے لیے صرف امریکا اور دیگر عالمی اتحادوں پر انحصار نہیں کر سکتے، ان کو اپنی سکیورٹی کے معاملے میں خود پر زیادہ انحصار کرنا ہو گا۔
متحدہ عرب امارات کے دارالحکومت ابوظبی میں پیر کو ہیلی فورم سے خطاب کرتے ہوئے انہوں نے یہ بھی کہا کہ ’ہمیں یہ سمجھنے کی ضرورت ہے کہ خطے میں عالمی افواج کی موجودگی اور امریکہ کے ساتھ سٹریٹیجک اتحاد بہت ہے، مگر یہ کافی نہیں۔‘
انہوں نے بات جاری رکھتے ہوئے کہا کہ ’سکیورٹی کے معاملے میں خود پر انحصار ہی آگے بڑھنے کا واحد راستہ ہے۔ ہمیں اپنے شراکت داروں اور اتحادیوں کی ضرورت ہے لیکن ہم اپنی سلامتی کے لیے صرف ان پر انحصار نہیں کر سکتے۔‘
قطر امریکہ اور ایران کی جنگ کے دوران ایک اہم ثالث کا کردار ادا کر رہا ہے اور اس کو ایران کی جانب سے خاص طور پر توانائی کے انفراسٹرکچر پر شدید حملوں کا سامنا بھی رہا ہے۔
قطر مشرق وسطیٰ میں امریکہ کے سب سے بڑے فوجی بیس کا میزبان ہے اور جنگ کے دوران ایران نے امریکی حملوں کے جواب میں وہاں موجود امریکی فوجی تنصیبات اور خطے کے توانائی کے مراکز کو نشانہ بناتا رہا ہے۔
