پاکپتن(اکرام حسین شاہ سے)
ناقص اور بدبودار گوشت فروخت کرنے کی مبینہ کوشش ناکام، 130 کلو گوشت برآمد محکمہ لائیوسٹاک اور پولیس کی بڑی کارروائی، شہریوں کو مبینہ طور پر مضرِ صحت اور بیمار جانور کا گوشت کھلانے کی کوشش ناکام بنا دی گئی پاکپتن کے محلہ سماداں والا میں محکمہ لائیوسٹاک اور تھانہ سٹی پولیس نے کارروائی کرتے ہوئے ایک گھر سے مبینہ طور پر 110 کلو بیف اور 20 کلو مٹن برآمد کر لیا کارروائی کے دوران مبینہ طور پر بیمار جانور کا گوشت بھی برآمد ہوا، جسے محکمہ لائیوسٹاک نے اپنی تحویل میں لے لیا، جبکہ کارروائی کے دوران نامزد شخص کامران عرف کاکا قصائی مبینہ طور پر موقع سے فرار ہونے میں کامیاب ہو گیا ذرائع کے مطابق برآمد شدہ گوشت کو قبضے میں لینے کے بعد تھانہ سٹی منتقل کیا گیا، جہاں واقعے کا مقدمہ درج کر کے قانونی کارروائی شروع کر دی گئی یہ معاملہ صرف گوشت کی غیر قانونی خرید و فروخت کا نہیں بلکہ انسانی صحت اور قیمتی انسانی جانوں سے براہِ راست جڑا ہوا ایک انتہائی حساس معاملہ ہے
اگر بیمار جانور کا گوشت واقعی شہریوں کو فروخت کرنے کے لیے رکھا گیا تھا تو یہ عمل نہ صرف قانون بلکہ انسانی زندگی کے ساتھ سنگین کھلواڑ کے مترادف ہے
شہریوں نے مطالبہ کیا ہے کہ ایسے عناصر کے خلاف محض رسمی کارروائی کافی نہیں، بلکہ قانون کے مطابق سخت ترین کارروائی عمل میں لائی جائے، تاکہ انسانی صحت سے کھیلنے والے عناصر کو واضح پیغام دیا جا سکے کہ شہریوں کی جانوں سے کھیلنے کی کسی کو اجازت نہیں دی جا سکتی شہریوں کا کہنا ہے کہ ایسے واقعات کی روک تھام کے لیے محکمہ لائیوسٹاک، ضلعی انتظامیہ اور پولیس کو مستقل بنیادوں پر کریک ڈاؤن کرنا چاہیے، جبکہ قصابوں اور گوشت فروخت کرنے والوں کی نگرانی اور گوشت کے معیار کی باقاعدہ چیکنگ بھی یقینی بنائی جائے۔