لاہور:معروف یوٹیوبر رجب بٹ اب سوشل میڈیا کے بعد بڑی سکرین پر قسمت آزمانے کے لیے تیار ہیں جہاں وہ اداکارہ امر خان کے ساتھ ایک نئی پاکستانی فلم میں مرکزی کردار ادا کریں گے۔
نجی ٹی وی چینل ایکسپریس نیوز کے مطابق رجب بٹ کی ڈیبیو فلم کی ہدایت کاری سید فیصل بخاری کر رہے ہیں جبکہ فلم کی کہانی سرمد ابراہیم نے تحریر کی ہے۔
ایکشن اور کامیڈی پر مبنی اس فلم کی شوٹنگ بھی شروع ہو چکی ہے جس میں امر خان مرکزی اداکارہ کے طور پر رجب بٹ کے مدمقابل نظر آئیں گی۔
رجب بٹ کے یوٹیوب پر تقریباً 9 ملین سبسکرائبرز جبکہ انسٹاگرام پر تقریباً 3 ملین فالوورز ہیں اور اب وہ اپنی اسی مقبولیت کے ساتھ فلمی دنیا میں قدم رکھنے جا رہے ہیں۔
