شیخوپورہ:شیخوپورہ میں سی سی ڈی اور مسلح افراد کے درمیان فائرنگ کے تبادلے میں دو ملزم ہلاک جبکہ 4 زخمی ہوگئے۔
نجی ٹی وی چینل دنیا نیوز کے مطابق پولیس ذرائع نے بتایا کہ لاہور میں پولیس پر فائرنگ کرنے والے ملزم ریحان بٹ سمیت دو ملزم مارے گئے، دہشت گرد لاہور میں بادامی باغ اور نواں کوٹ کے علاقے میں فائرنگ کر کے 3 اہلکاروں کو ہلاک اور دو کو زخمی کرکے فرار ہوئے تھے۔
سی سی ڈی کے سربراہ سہیل ظفر چٹھہ کی ہدایت پر سی سی ڈی ماڈل ٹاؤن کے ڈی ایس پی حسنین حیدر اور ان کی ٹیم کا ضلع شیخوپورہ میں ملزمان سے فائرنگ کا تبادلہ ہوا جس میں لاہور شہر میں پولیس ملازمین کو شہید کرنے والے باپ بیٹا جہنم واصل کر دیے گئے ذرائع کے مطابق سی سی ڈی پولیس نے ملزمان کو گرفتار کرنا چاہا تو ملزمان نے سی سی ڈی پر بھی سیدھی فائرنگ کی جوابی فائرنگ میں دو خطرناک دہشت گرد مارے گئے ملزموں کے دیگر ساتھیوں کو بھی پکڑنے کیلئے مزید کارروائی شروع کر دی گئی ہے۔
پولیس کے مطابق ملزمان کو رنج تھا کہ ان کا بھائی سی سی ڈی نے مبینہ مقابلے میں ہلاک کیا تھا۔
ملزمان ریحان بھی اپنے بھائی فیضان کی طرح افغانستان گیا وہاں سے آنے کے بعد اس نے اپنے بھائی کا بدلہ لینے کی ٹھانی، دھمکیاں دیں جس پر سب انسپکٹر عدیل عاشق نے کچھ عرصہ قبل خود کو ملنے والی د۔ھمکیوں پر ملزم ریحان بٹ کے خلاف مقدمہ بھی درج کروایا تھا جس میں بیان کیا گیا تھا کہ کچھ عرصہ قبل پولیس اہلکاروں کی ٹارگٹ کلینگ کرنے والا خطرناک شو۔ٹر فیضان بٹ سی ٹی ڈی کے ہاتھوں گرفتار ہوا اور بعد میں برآمدگی کے لیے لے جاتے ہوئے ساتھیوں نے چھڑانے کی کوشش کی تو مارا گیا تھا ۔ فیضان بٹ کی ہلا۔کت کے بعد اسکا بھائی ریحان بٹ کئی بار سب انسپکٹر عدیل عاشق کو جان سے مارنے کی د۔ھمکیاں دے چکا تھا
شیخوپورہ میں مبینہ مقابلہ، لاہور میں اہلکاروں کو قتل کرنیوالے 2 ملزم ہلاک، 4 زخمی
