نئی دہلی: بھارتی ایوی ایشن انڈسٹری میں اس وقت شدید ہلچل مچ گئی ہے جب یہ انکشاف ہوا ہے کہ ایئر انڈیا کی بین الاقوامی پرواز کے پائلٹ نے دورانِ پرواز چرس پی رکھی تھی، اور ڈرگ ٹیسٹ میں اس بات کی باضابطہ تصدیق بھی ہو گئی ہے۔
عالمی خبر رساں ادارے کے مطابق گزشتہ ہفتے اسی نشئی پائلٹ کی غفلت کی وجہ سے طیارہ اچانک 300 فٹ نیچے غوطہ لگا گیا تھا، جس سے مسافروں میں شدید خوف و ہراس پھیل گیا۔
ایئربس اے 320 نیو (Airbus A320neo) کے ذریعے تھائی لینڈ کے سیاحتی شہر پھوکٹ سے نئی دہلی جانے والی اس پرواز میں کل 137 مسافر اور عملے کے 8 ارکان سوار تھے۔ جب یہ جہاز بھارت کی مشرقی ریاست اوڈیشہ کے اوپر پرواز کر رہا تھا تو اچانک اور انتہائی خطرناک انداز میں اس کی بلندی میں بڑی کمی واقع ہوئی (طیارہ 300 فٹ نیچے آگیا)۔ اس ہولناک جھٹکے کے نتیجے میں 13 مسافر اور عملے کے 4 ارکان زخمی ہو گئے، تاہم خوش قسمتی سے جہاز بعد میں نئی دہلی کے ہوائی اڈے پر بحفاظت لینڈ کرنے میں کامیاب رہا۔
🇮🇳✈️ FLASH | Air India — Un commandant de bord testé positif au cannabis après un vol Phuket-Delhi qui avait soudainement perdu environ 90 mètres d’altitude.
L’incident avait fait 17 blessés : 13 passagers et 4 membres d’équipage. L’Airbus A320neo a finalement atterri sans… pic.twitter.com/REFfEM6Yok
— AlertesNewsFR (@AlertesNewsFR24) August 12, 2026
واقعے کا سخت نوٹس لیتے ہوئے بھارتی وزارتِ شہری ہوا بازی نے فوری طور پر ایئر انڈیا کے چیف ایگزیکٹیو آفیسر (سی ای او) کیمبل ولسن (Campbell Wilson) کو طلب کر لیا۔ اتوار کے روز وزارت نے انکشاف کیا کہ پائلٹ کے ابتدائی طبی ٹیسٹ میں نفسیاتی اثرات پیدا کرنے والے نشہ آور مادوں کی موجودگی کا انکشاف ہوا تھا، جس کی تصدیق کے لیے لیبارٹری ٹیسٹ لازمی قرار دیے گئے تھے۔ دوسری جانب کیمبل ولسن نے نیوز چینلز سے گفتگو کرتے ہوئے تصدیق کی کہ ایئرلائن نے اس سنگین واقعے کی تحقیقات سے وزارت کو آگاہ کر دیا ہے، جبکہ ایئر انڈیا نے دعویٰ کیا ہے کہ اسے پائلٹ کے حتمی ٹیسٹ کے نتائج سے تاحال باضابطہ آگاہ نہیں کیا گیا۔