پسرور(محمداشفاق سے)
چونڈہ گھاس کاٹتے ہوئے سانپ کے ڈسنے سے 37 سالہ شخص زخمی ۔سانپ نے بائیں بازو پر کلائی اور کہنی کے درمیان ڈسا، ابتدائی طبی امداد کے بعد سیالکوٹ منتقل چونڈہ کے نواحی علاقہ منیالہ میں گھاس کاٹتے ہوئے 37 سالہ شخص کو سانپ نے ڈس لیا، جس کے باعث وہ زخمی ہوگیا۔ریسکیو 1122 کے مطابق منیالہ چونڈہ کے رہائشی عبدالستار ولد محمد اقبال گھاس کاٹ رہے تھے کہ اس دوران سانپ نے ان کے بائیں بازو پر کلائی اور کہنی کے درمیان ڈس لیا۔واقعہ کی اطلاع پر ریسکیو 1122 کی ٹیم نے موقع پر پہنچ کر متاثرہ شخص کو ابتدائی طبی امداد فراہم کی۔ متاثرہ شخص کو پہلے ہی تحصیل ہیڈکوارٹر ہسپتال چاونڈہ منتقل کیا جا چکا تھا، جہاں سے ریسکیو ٹیم نے اسے مزید طبی امداد کے لیے سیالکوٹ منتقل کر دیا۔ ریسکیو ذرائع کے مطابق متاثرہ شخص ہوش میں تھا۔