اٹک ملک فتح اکبر بیورو چیف
تحصیل حضرو منورہ آباد میں شوہر کی فائرنگ، بیوی جاں بحق، ساس اور بہن زخمی، فائرنگ کرنے والے شوہر نے خودکشی کر لی تفصیلات کے مطابق تحصیل حضرو کے علاقے منور آباد میں 22 سالہ احسان اللہ ولد نذیر نے گھر میں فائرنگ کی، جس کی زد میں آ کر اس کی 22 سالہ اہلیہ جاں بحق ہو گئی، جبکہ 18 سالہ دخترِ نذیر (بہن) اور 40 سالہ زوجہ محمد لیاقت (ساس) زخمی ہو گئیں۔فائرنگ کے بعد احسان اللہ نے خود کو بھی گولی مار لی، جس کے نتیجے میں وہ موقع پر جاں بحق ہو گیا۔ واقعے میں کل دو افراد جاں بحق اور دو افراد زخمی ہوئے۔اطلاع ملتے ہی ریسکیو 1122 کی ایمبولینسز موقع پر پہنچ گئیں۔ ریسکیو اہلکاروں نے دونوں زخمیوں کو ابتدائی طبی امداد فراہم کرنے کے بعد تحصیل ہیڈکوارٹر ہسپتال حضرو منتقل کر دیا۔ جاں بحق افراد کی لاشیں پولیس کی ضروری قانونی کارروائی مکمل ہونے کے بعد ہسپتال منتقل کی جائیں گی۔