نوشہرو فیروز:( رپورٹ ڈسٹرکٹ رپورٹر رجب علی سمون )
پڈعیدن کے قریب گائوں شیر محمد ابڑو کے رہائشی محمد یعقوب ابڑو، عبدالحق ابڑو اور برکت علی ابڑو نے اپنے رتشے داروں سپاہی قربان ابڑو جو ایس ایس پی نوشہرو فیروز کا گن مین ہے، اور ممتازابڑو، حاکم ابڑو، الیاس ابڑو، شعیب ابڑو اور ذوالفقار ابڑو پر الزام عائد کرتے ہوئے کہا کہ 2 سالوں سے مذکورہ افراد نے ہماری تقریبا 9 ایکڑ زرعی زمین پر ناجائز قبضہ کر رکھا ہے۔ اب انہوں نے ہماری زمین کا پانی بند کر دیا ہے، ہمارے بچوں کی تعلیم بند کروا دی ہے اور ہمیں جان سے مارنے کی دھمکیاں دے رہے ہیں کہ "اپنی زمین ہمیں دو ورنہ تمہیں قتل کر دیں گے”۔ان کا مزید کہنا تھا کہ 3 دن قبل ایس ایس پی نوشہرو فیروز کے گن مین قربان ابڑو اور اس کے بھائی رات کے وقت اسلحہ سمیت ہمارے گھر میں گھسے اور سرکاری کلاشنکوف کے بٹ مار کر ہمیں زخمی کیا اور میری والدہ امڑ کو بھی مارا پیٹا۔جب ہم بھریا روڈ تھانے گئے تو پولیس نے ہمیں دھکے دے کر واپس کر دیا۔ہماری ایس پی نوشہرو فیروز اور اعلیٰ حکام سے مطالبہ ہے کہ مذکورہ ملزمان کے خلاف قانونی کارروائی کی جائے اور ہمیں انصاف فراہم کیا جائے۔