نوشہرو فیروز ( رپورٹ ڈسٹرکٹ رپورٹر رجب علی سمون )
ڈپٹی کمشنر نوشہرو فیروز محمد ارسلان سلیم کی صدارت میں سندھ سوشل پروٹیکشن اتھارٹی کے تحت ممتا پروگرام میں بہتری لانے کے لئے قائم ڈسٹرکٹ کوآرڈنیشن کمیٹی کا اجلاس منعقد ہوا۔اجلاس میں ڈسٹرکٹ سوشل پروٹیکشن کوآرڈینیٹر نوشہرو فیروز میڈم کلثوم جویو، ڈسٹرکٹ مینیجر پی پی ایچ آئی ھدایت اللہ میمن،ایڈنیشنل ڈائریکٹر لوکل گورنمنٹ عبدالجبار تگر،اسسٹنٹ ڈائریکٹر نادرا عابد حسین، ایڈیشنل ڈی ایچ او ڈاکٹر حاکم علی جوکھیو،ڈاکٹر مختیار علی میمن،ممتا پروگرام کے فیلڈ آفیسر محمد اقبال ملک اور دیگر متعلقہ افسران نے شرکت کی۔اجلاس سے خطاب کرتے ہوئے ڈپٹی کمشنر نے کہا کہ سندھ حکومت کے اس ممتا پروگرام سے ضلع کی خواتین اور بچوں کا معیار زندگی اور طبی سہولتوں کی فراہمی میں بہتری آئے گی۔ انہوں نے اس پروگرام تیز اور موثر کرنے کی اہمیت پر زور دیا۔ انہوں نے کہا کہ تمام مراکزصحت پر آنے والی خواتین کو بہترین سہولیات کی فراہمی کو یقینی بنایا جائے۔انہوں نے کہا کہ کمیٹی کے تمام ممبران اس سلسلے میں آگاہی فراہم کرنے لئے لئے اپنا بھرپور کردار ادا کریں انہوں نے محکمہ لوکل گورنمنٹ کے افسران کو ہدایت کی کہ وہ اپنے تمام یوسی سطح کے دفاتر میں اس سلسلے میں آگاہی فراہم کریں انہوں نے نادرہ کے افسران کو ہدایت کی کہ وہ ان کے دفتر میں آنے والے شہریوں کی اگاہی لے لئے بینرز آویزاں کریں اس کے علاوہ عوام مقامات پر آگاہی بینرز لگائے جائیں ۔ڈپٹی کمشنر نے کہا کہ اس مہم کے متعلق منتخب نمائندوں اور تمام تحصیلوں کے اسسٹنٹ کمشنر سے رابطہ کیا جائے تاکہ اس مہم کے متعلق آگاہی میں وہ اپنا کردار ادا کر سکیں۔ اجلاس میں بریفنگ دیتے ہوئے ممتا پروگرام کی ڈسٹرکٹ ہیڈ کلثوم جویو نے بتایا کہ ضلع کے 47 اسپتالوں میں حاملہ خواتین اور دو سال سے کم بچوں کی رجسٹریشن کی جارہی ہے اس عمل میں پی پی ایچ آئی کے زیر انتظام اسپتالوں میں خصوصی کاؤنٹر قائم کئے گئے ہیں جہاں خواتین کی رجسٹریشن کی جارہی ہے۔ انہوں نے مزید بتایا کہ اسپتال میں آنے والی خواتین کو زچگی کے دوران پیش آنے والے مسائل کو کم کرنے کے لئے فی خاندان 41 ہزار روپے کی مدد فراہم کی جائے گی ۔ اس کے لئے ان خواتین کا سندھ بھر کے اضلاع سوائے کراچی اور حیدرآباد کی رہائیش ہونا شرط ہے ۔ خواتین اپنا شناختی کارڈ لازمی ساتھ لائیں اور بچے کی صورت میں بچے کا ب فارم لازمی ہے۔خواتین کو مختلف مراحل پر 16 بار اسپتال میں آنا ہوگا۔انہوں نے کہا کہ یہ گزشتہ تین ماہ سے شروع ہے اور اب تک ضلع نوشہرو فیروز کی 16185 خواتین کو رجسٹر کیا جاچکا جس کو بہت جلد امدادی رقم فراہم کرنے کا سلسلہ شروع کیا جائےگا۔