دیر بالا رپورٹ ۔ ریاض ابوالخیل بیورو چیف بے نقاب نیوز
بریکوٹ سپر لیگ سیزن 1 کا شاندار اختتام ایک سنسنی خیز گرینڈ فائنل کے ساتھ ہوا، جس میں کنگز سٹار بیاڑ نے ینگ سٹار اٹیرکن کو شکست دے کر لیگ کی پہلی چیمپئن ٹیم ہونے کا اعزاز اپنے نام کر لیا۔اختتامی تقریب کے مہمانِ خصوصی اسسٹنٹ کمشنر شیر انگل نور شیر مہمند تھے۔ اس موقع پر سابق چیئرمین کلکوٹ ضیاء الرحمٰن، ڈاکٹر عالم زیب، ایس ایچ او تھانہ تھل اور یونین کونسل بریکوٹ کے معزز مشران نے بھی شرکت کی۔مقررین نے بریکوٹ سپر لیگ کے کامیاب انعقاد کو سراہتے ہوئے نوجوانوں میں کھیلوں کے فروغ کی اہمیت پر زور دیا اور کہا کہ اس طرح کی سرگرمیاں نوجوانوں کی مثبت صلاحیتوں کو اجاگر کرنے میں اہم کردار ادا کرتی ہیں۔تقریبِ تقسیمِ انعامات میں چیمپئن ٹیم کنگز سٹار بیاڑ کے کپتان اسماعیل کو بریکوٹ سپر لیگ سیزن 1 کی ٹرافی کے ساتھ 45 ہزار روپے نقد انعام پیش کیا گیا، جبکہ رنر اپ ٹیم ینگ سٹار اٹیرکن کے کپتان رضوان کو 20 ہزار روپے نقد انعام سے نوازا گیا۔شائقینِ کرکٹ اور علاقے کے عوام نے کنگز سٹار بیاڑ کو بریکوٹ سپر لیگ سیزن 1 کی پہلی چیمپئن ٹیم بننے پر مبارکباد پیش کرتے ہوئے لیگ کے کامیاب انعقاد پر منتظمین کو بھی خراجِ تحسین پیش کیا۔