سانگھڑاشفاق سلہری کی رپورٹ
کنڈیاری میں زمینی تنازع، فائرنگ سے پیپلز پارٹی رہنما شاہجان منظور وسان سمیت پانچ افراد زخمی تفصیل:سانگھڑ کے علاقے کنڈیاری کے قریب متنازع زرعی زمین کے تنازع پر دو گروپوں کے درمیان فائرنگ کا واقعہ پیش آیا، جس کے نتیجے میں پاکستان پیپلز پارٹی کے رہنما شاہجان منظور وسان سمیت پانچ افراد زخمی ہوگئے۔زخمیوں کو فوری طور پر طبی امداد کے لیے قریبی اسپتال منتقل کر دیا گیا، جہاں انہیں علاج فراہم کیا جا رہا ہےشاہجان منظور وسان نے میڈیا سے گفتگو کرتے ہوئے الزام عائد کیا کہ مخالف گروپ نے ان پر حملہ کیا۔ ان کا کہنا تھا کہ متنازع زمین ان کی ملکیت ہے اور مخالفین نے قبضے کی نیت سے فائرنگ کی، جس کے باعث وہ اور ان کے ساتھی زخمی ہوئے۔