چکوال: (جلیل نقوی)
ڈپٹی کمشنر چکوال و تلہ گنگ سارہ حیات نے مون سون سیزن کے دوران ممکنہ حادثات سے بچاؤ کے لیے دونوں اضلاع میں دفعہ 144 نافذ کر دی ہے۔ جاری کردہ حکم نامے کے مطابق 3 جولائی سے یکم اگست 2026 تک ڈیمز، ندی نالوں، جھیلوں، تالابوں اور دیگر آبی ذخائر (ٹی ڈی سی پی کے زیر انتظام مقامات کے علاوہ) میں نہانے، تیراکی، غوطہ خوری اور کشتی رانی پر پابندی عائد رہے گی۔ ضلعی انتظامیہ کے مطابق یہ فیصلہ مون سون کے دوران پانی کے بہاؤ میں اضافے اور ڈوبنے کے واقعات کی روک تھام کے پیش نظر کیا گیا ہے۔ شہریوں سے پابندی پر عمل کرنے کی اپیل کی گئی ہے، جبکہ خلاف ورزی کرنے والوں کے خلاف قانونی کارروائی کی جائے گی۔